Girlfriend binaril ang boyfriend para umano sumikat sa social media

Kinasuhan na ng felony ang isang babae sa Minnesota matapos nitong barilin ang kanyang kasintahan para sa isang “stunt” na i-uupload nila sa social media.

Kulong si Monalisa Perez, 19-anyos matapos nitong barilin ang kasintahang si Pedro Ruiz sa bahagi ng dibdib nito sa paniniwalang pipigilan nito ang bala gamit ang isang libro.

Ayon sa awtoridad, hardcover encyclopedia ang ginamit sa panangga sana sa bala, habang .50-calibre Desert Eagle handgun naman ang baril na ginamit.



Kinuha din ng mga pulis ang dalawang camera na ginamit sa pag-record ng mga video.

Ayon naman sa tiyahin ni Ruiz, na kasama nila noong araw ng insidente, sinabi nila na ginawa nila ang stunt para tumaas ang bilang ng kanilang followers sa YouTube at para sumikat.

Sinubukan din umano nitong pigilan ang kanilang balak, ngunit mahal nila ang isa’t-isa, at sinabing, “it was just a prank gone wrong.”

Nasaksihan din ng kanilang tatlong taong gulang na anak ang nangyari.(BBC

Disclaimer: Contributed articles does not reflect the view of Maharlikano.com. This website cannot guarantee the legitimacy of some of the information contributed to us. You may do additional research if you find some information doubtful.

Loading...